Til að skrá þig á næsta bifhjólanámskeið vinsamlegasr hafðu samband við skrifstofuna: hægt er að fara á biðlista fyrir næsta námskeið.

Þarabakki 3, 109 Reykjavík

[email protected]

567-0300 

Öll kennsla til þeirra réttinda flokka sem falla undir þennan þátt skulu fara fram hjá ökuskóla með starfsleyfi frá Umferðastofu fyrir þessa kennslu.

• AM Létt bifhjól (Skellinaðra)
• A1 Lítið bifhjól
• A2 Lítið bifhjól
• A Bifhjól

AM	Veitir rétt til að stjórna: léttu bifhjóli á tveimur eða þremur hjólum, með vélarstærð ekki yfir 50cc ekki hannað fyrir meiri hraða en 45 km.
A1 (A72)	Veitir rétt til að stjórna: bifhjóli á tveimur hjólum, með eða án hliðarvagns með slagrými sem er ekki yfir 125 cc, með afl sem er ekki yfir 11 kW og með afl/þyngdar-hlutfall sem er ekki yfir 0,1 kW/kg, einnig bifhjóli á þremur hjólum með afl sem er ekki yfir 15 kW, réttindi í AM-flokki fylgir. Ökuskírteini fyrir A1 flokk fyrir bifhjólaréttindi geta þeir fengið sem náð hafa 17 ára aldri. Taka þarf að taka bóklegt námskeið fyrir A réttindi og síðan 5 stundir í verklegri kennslu.
A2	Veitir rétt til að stjórna: bifhjóli, en undir það flokkast: a)   tvíhjóla bifhjól með eða án hliðarvagns þar sem hlutfall vélarafls og eigin þyngdar fer ekki yfir 0,2kW/kg. Þá má vélarafl bifhjólsins ekki fara yfir 35 kW, b)   ökutæki í AM og A1-flokki og c)   torfærutæki s.s. vélsleða. Ökuskírteini fyrir A2 flokk fyrir bifhjólaréttindi geta þeir fengið sem náð hafa 19 ára aldri. Taka þarf bóklegt námskeið fyrir A réttindi og 11 stundir í verklegri kennslu, ath að 5 stundir fást metnar ef viðkomandi aðili hefur fyrir A1 réttindi
A	Veitir rétt til að stjórna: bifhjóli, en undir það flokkast a)   bifhjól á þremur hjólum með meira afl en 15 kW, b)   ökutæki sem flokkast undir A2-flokk og c)   tvíhjóla bifhjól án hliðarvagns þar sem hlutfall vélarafls og eigin þyngdar fer yfir 0,2 kW/kg,  eða vélarafl fer yfir 35 kW.

Námskeið fyrir létt bifhjól, M-réttindi, er 12 kennslustundir og stendur yfir í þrjú skipti. Verklegt nám er 8 tímar og er samkomulag milli nemenda og kennara hvenær þeir fara fram.

Námskeið fyrir bifhjól, A-réttindi, er 12 kennslustundir og stendur yfir í þrjú kvöld. Verklegt nám er 11 kennslustundir.

Kennari í fræðilega hlutanum er Þórður Bogason ökukennari. Aksturæfingar fara einnig fram undir umsjón löggilts ökukennara.

Gjald fyrir námskeið á létt bifhjól (M-réttindi) er kr. 18.500 fyrir fræðilega hlutann.
Gjald fyrir námskeið á bifhjól (A-réttindi) er kr. 26.000 fyrir fræðilega hlutann.

Á námskeiðunum er farið yfir umferðarlög, reglugerðir og tæknileg atriði sem tilheyra akstri bifhjóla. Kennslubókin er Akstur og umferð – Bifhjól og er hún innifalin í námskeiðsgjaldi. Fullkominn ökuhermir er notaður á námskeiðunum, einnig er allur hlífðarfatnaður til sýnis.

Yfir vetrarmánuðina er að jafnaði ekki boðið upp á þessi námskeið. En strax á vorin, þegar færð batnar, eru haldin námskeið. Námskeiðin eru að nokkru leyti skipulögð fram í tímann, sjá dagatal skólans, en annars haldin eftir þörfum og að jafnaði strax og nægilega margir nemar hafa skráð sig til þátttöku.

Hringið, fáið nánari upplýsingar og pantið skólapláss í síma 567-0300.
Skrifstofan er opin virka daga, kl. 10:00-17:00.

Einnig er hægt að senda tölvupóst á [email protected]